Այսօր «Ա1+»-ը հաղորդեց, որ «Արմավիա» ընկերությունը եւ «Զվարթնոց» օդանավակայանը սպասարկման գների շուրջ փոխհամաձայնության են եկել։ «Արմավիան» կշարունակի իր բնականոն աշխատանքը»,- այս մասին «Ա1+»-ին հայտնել էր Քաղավիացիայի Գլխավոր վարչության մամուլի քարտուղար Նելի Չերչինյանը։ Նրա խոսքերով, մշակվել է «Արմավիայի» պարտքերի մարման ժամանակացույց եւ «ավելի նպաստավոր պայմաններ են ստեղծվել աշխատելու համար»։
Սակայն րոպեներ առաջ «Առավոտը» ստացավ հաղորդագրություն «Արմավիայի» մամլո քարտուղար Նանա Ավետիսովայից, որում ասվում է բառացիորեն հետեւյալը.«Մենք գնացինք զիջումների: Սակայն որոշակի պայմանավորվածություններից հետո, որոնք ձեռք բերվեցին բանակցությունների ընթացքում, օդանավակայանը կրկին փոխում է որոշումը: «Արմավիայում» համարում են, որ հարցն առայժմ չի լուծվել եւ ոչ մի փաստաթուղթ չի ստորագրվել»:
Սպասենք հետագա զարգացումներին:
