Դիլիջանում ներկայումս թափով ընթանում է հանգստյան տների, հյուրանոցների շինարարությունը: Գործարկվող օբյեկտներում ադմինստրատորների, մենեջերների բարձր վարձատրվող աշխատատեղերը հիմնականում զբաղեցնում են երեւանցիները, իսկ դիլիջանցիներին առաջարկում են մատուցողի, հավաքարարի կամ բանվորի աշխատանք: Մի քանի դիլիջանցիներ այս առթիվ բողոք էին հայտնել «Առավոտի» թղթակցին:
Դիլիջանի քաղաքապետ Արմեն Սանթրոսյանն ասաց, որ քիչ են դիլիջանցի որակյալ կադրերը, որոնց պահանջը գործատերն ունենա: Քաղաքապետը նաեւ չժխտեց, որ երեւանցի գործատերերը պատասխանատու պաշտոններում նշանակում է իր վստահած մարդուն, այսինքն` իր ծանոթ-բարեկամին:
Հավելենք, որ նույն աշխատանքի համար երեւանցին ավելի շատ է վարձատրվում, քան դիլիջանցին: Դա բացատրվում է նրանով, որ գործատուն ոչ տեղացի աշխատողին վճարում է նաեւ նրա Դիլիջանում բնակվելու վարձը:
Ոսկան ՍԱՐԳՍՅԱՆ
