Իզուր չեն ասում, որ Լեւոն Տեր-Պետրոսյանն ու Քոչարյանը տեսակներ են։ Նրանք երկուսն էլ փայլուն վրեժ լուծողներ են։ Պարզապես «շոլկ-տեքստիլի» պարտկոմի համեմատ մատենադարանիստ Տեր-Պետրոսյանը դա անում է գեղեցիկ փաթեթավորմամբ ու խիստ նրբագեղ։
Պարզվում է՝ ՀԱԿ-ը վերջին «գաղթից» հետո (հիշենք, որ չորս կուսակցություններ հրաժարվել են ՀԱԿ-ի համամասնական ցուցակում ներառվելուց, իսկ դրանից առաջ էլ Արամ Զավենիչն էր ասել, որ միայն մեկ թեկնածու կցանկանանք այնտեղ ունենալ, որն ինքն էր, եւ ինքն էլ ընտրություններից հետո վայր է դնելու մանդատը), եւ ուրեմն, ՀԱԿ-ը, որ սկսել է խիստ բարեհաջող ինքն իրեն խժռել, մտածել ու գտել է՝ «ումով» գնա «մուտիլովկայի» ու քանդել անքանդելին՝ «Հանրապետություն» կուսակցությունը։
Ու հիմա ՀԱԿ-ը խոր բացատրական աշխատանքներ է տանում «Հանրապետության» անդամների հետ, որպեսզի վերջիններս դեմ դուրս գան Արամ Զ. Սարգսյանին ու ներառվեն ՀԱԿ-ի համամասնական ցուցակում՝ սկսյալ 14-րդ հորիզոնականից։
Առաջինը, որի վրա «դուրս է եկել» ՀԱԿ-ի հայտնի թեւը, Սմբատ Այվազյանն է. այո, հենց նրան է առաջարկվել 14-րդ, ՀԱԿ-ի կարծիքով, պատվավոր-անցողիկ հորիզոնականը։
Կարդացեք նաև
Սմբոն, ասում են, որպեսզի չմտնի էդ «մուտիլովկաների» մեջ, լքել է Հայաստանը. նա, ասում են, Մոսկվայում է (չհայտնվի՞ Կառլոս Պետրոսյանի ծանր միջավայրում):
Մի խոսքով՝ նա մերժել է։
ՀԱԿ-ը հերթով դուրս է գալիս նախկին ՆԳ նախարար, ոչ անհայտ գեներալ, Զինայի ամուսին (տարիներ առաջ, երբ նախարարին հարցրինք՝ Դուք ո՞ւմ մարդն եք, ասաց՝ Զինայի) Սուրեն Աբրահամյանի վրա։ Նա էլ է մերժել։
Դուրս են եկել Սափեյան եղբայրների վրա։ Կրկին եւ արդարաբար մերժվել են։ Հետո՝ Աշոտ Զաքարյանի վրա…
Կարմեն ԴԱՎԹՅԱՆ
«Իրատես դե ֆակտո»
