Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Ալեքսան Սուքոյանը հետաձգեց «Հելսինկյան քաղաքացիական ասամբլեա Վանաձորի գրասենյակ» իրավապաշտպան կազմակերպության հայցով նախնական նիստը, քանի որ կազմակերպության ներկայացուցիչ, ՀՀ փաստաբանների պալատի անդամ Վահե Գրիգորյանը դիմում էր ներկայացրել դատարան՝ խնդրել հետաձգել դատական նիստը մեկ այլ գործով դատական նիստի մասնակցելու պատճառաբանությամբ: Հիշեցնենք, որ իրավապաշտպան կազմակերպությունը ՀՀ ոստիկանապետ Վլադիմիր Գասպարյանից պահանջում է պատվի, արժանապատվության, վիրավորական արտահայտությունների կապակցությամբ 10 դրամ՝ որպես վնասի փոխհատուցում: Ոստիկանապետի ներկայացուցիչ, ՀՀ փաստաբանների պալատի փոխնախագահ Արա Զոհրաբյանը նույնպես չէր ներկայացել այսօրվա նախնական նիստին: Հաջորդ նախնական նիստը տեղի կունենա ապրիլի 10-ին, ժամը 15-ին:
Ռուզան ՄԻՆԱՍՅԱՆ
