«Հիմա կզբաղվեմ այդ հարցերով», «Շուտով պատրաստ կլինի հաշվետվությունը». Այսպիսի իրավիճակներում հաճախ ենք հիշում արձակուրդի «քաղցր» օրերի մասին, մտովի երանի տալիս այդ հրաշք օրերը և այդպիսով աշխատելն ավելի անտանելի է դառնում:
Lինում են պահեր, երբ այն աստիճան ենք հոգնում, որ սկսում ենք մտածել աշխատանքից դուրս գալու մասին: Մասնագետները հավաստիացնում են, որ գոյություն ունեն աշխատելու ցանկությունը բարձրացնող ձևեր, որոնց հետևելով՝ կարող ենք ցուցաբերել բարձր ՕԳԳ և խուսափել անաշխատունակ լինեուց:
Հոգեբան Կարինե Հովհաննիսյանը խորհուրդ է տալիս. «Կենտրոնանալով ոչ թե աշխատանքի, այլ նպատակի վրա աշխատանքային պրոցեսը ավելի հաճելի կթվա: Բավական է միայն մտածել այն մասին, որ ցանկանում եք որևէ նոր իր գնել կամ նվերներով ուրախացնել մտերիմներին: Մտածելով նվերների մասին՝ ավելի ջանասիրաբար կաշխատեք և արագ կվերջացնեք աշխատանքը: Աշխատելու ցանկությունը բարձրացնելու երկրորդ միջոցը` ծիծաղն է: Աշխատանքային փոքրիկ դադարների ընթացքում հաճախ ժպտացեք, վերհիշեք ձեր կյանքից հետաքրքիր դրվագներ, ինչը ձեզ հաճույք կպատճառի և կբարձրացնի ձեր տրամադրությունը: Իսկ հանգստյան օրերին մի մտածեք աշխատանքային դժվար երկուշաբթիի մասին և մի ծանրաբեռնեք ձեզ մտքերով, այլ այդ ժամանակը ամբողջությամբ նվիրեք ձեզ, ձեր ընտանիքին և հարազատներին»:
Սոսե Մուրադյան
