ՌԴ նախագահի թեկնածու, միլիարդատեր Միխայիլ Պրոխորովը նախընտրական քարոզարշավում վստահեցնում էր, թե ընտրվելու դեպքում հրաժարվելու է իր բոլոր բիզնեսներից՝ երկիրը ճիշտ ղեկավարելու համար:
Օլիգարխը, գուցե, նկատի ուներ Ռուսաստանի տարածքում ունեցած իր բիզնեսները եւ, բացառված չէ, որ այդպես էլ վարվեր: Բայց հետաքրքիր է, թե ի՞նչ էր անելու Ռուսաստանի սահմաններից դուրս սպորտում ներդրած իր հսկայական գումարների հետ:
Հայտնի է, որ Միխայիլ Պրոխորովը երկու տարուց ավելի ԱՄՆ-ի բասկետբոլի ազգային լիգայի (NBA) «Նյու-Ջերսի-Նեթս» ակումբի սեփականատերն է, իսկ բոլորովին վերջերս լրատվամիջոցները գրեցին, որ ռուս միլիարդատերը ցանկանում է գնել Պորտուգալիայի ամենաճանաչված ակումբներից մեկը՝ Լիսաբոնի «Սպորտինգը»:
Աշոտ ՀԱԿՈԲՅԱՆ
