«Արդար ընտրությունների անցկացումը եւ կազմակերպումը մեկ հոգու գործ չէ եւ անգամ մեկ կուսակցության գործ չէ, դա հասարակության գործն է, եւ հասարակության բոլոր այն անդամները, ովքեր իսկապես ոչ միայն իրենց, այլեւ յուրաքանչյուր քաղաքացու ձայնին են տեր կանգնելու, նրանք բոլորը պետք է համախմբվեն, եւ այստեղ պետք չէ ասել, թե Դաշնակցությունն ինչ է անում, «Ժառանգությունն» ինչ է անում. այստեղ բոլորս պիտի համախմբվենք, բոլորս պիտի տարբեր ոլորտներում, տարբեր ուղղություններում աշխատենք, որպեսզի ընտրությունները չկեղծվեն եւ մարդկանց քվեն տեղ հասնի: Վստահված անձինք, իհարկե, պիտի լինեն շատ հավատարիմ, նաեւ հանձնաժողովներում ընդգրկված լինեն շատ հավատարիմ մարդիկ: Իհարկե, հետեւելու ենք, ինքներս էլ օրենքի տառին համապատասխան կազմակերպելու ենք ընտրությունները»,- «Առավոտի» հետ զրույցում ասաց «Ժառանգություն» խմբակցության պատգամավոր Անահիտ Բախշյանը:
«Առավոտ» օրաթերթ
