Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը լրագրողներին երեկ ասաց, որ սովորաբար մարտի 8-ին կնոջ համար հատուկ անակնկալներ չի պատրաստում: Այս տարի էլ կնոջը կնվիրի վարդեր ու մոտ օրերս կճշտի՝ ինչ նվեր է նա նախընտրում. «Էս երկու օրը կճշտեմ՝ կինս ինչ նվեր է ցանկանում ու այդ ուղղությամբ կաշխատեմ: Տանն եմ նշելու կնոջս հետ»:
Նա ասաց, որ կինը խուսափում է իրեն ֆինանսական ծախսերով ծանրաբեռնել ու մեծ-մեծ նվերներ չի պահանջում. «Կինս չի ուզում ինձ ծանրաբեռնել, բայց, այնուամենայնիվ, մարտի 8-ին կանայք սիրում են նվերներ ստանալ»:
Նա դժվարացավ մտաբերել ամենամեծ նվերն ու անակնկալը, որ մինչ օրս նվիրել է կնոջը, միայն ասաց, որ գնահատվում է իր առանձնահատուկ վերաբերմունքը կնոջ ու երեխաների նկատմամբ:
Արփինե ՍԻՄՈՆՅԱՆ
