Ինչպես արդեն տեղեկացրել ենք, «ԷՅ.ԷՄ.ՄԵԴԻԱ ՊՐՈԴԱԿՇՆ» ընկերությունը եւ webtv.am ինտերնետային հեռուստատեսությունը կանցկացնեն երեք ինտերնետային կինոփառատոն՝ «ՌետրոFest», «ԷկոFest» եւ «ԴեբյուտFest»: Մարտի 15-ին webtv.am ինտերնետային հեռուստատեսությամբ կմեկնարկի առաջին՝ «ՌետրոFest» կինոփառատոնը: Փառատոնի առաջին 6 ֆիլմերի մասին webtv.am-ի առաջին հաղորդումը հնարավոր կլինի դիտել մարտի 13-ին՝ Եղիշե Չարենցի ծննդյան օրը: Կազմակերպիչները «ՌետրոFest»-ը նվիրում են բանաստեղծի ծննդյան 115-ամյակին: Մարտի 15-ից ապրիլի 5-ն ընկած ժամանակահատվածում տեղի կունենա «ՌետրոFest»-ի բոլոր ֆիլմերի ցուցադրությունը: Յուրաքանչյուր ֆիլմ webtv.am ինտերնետային հեռուստատեսության վիրտուալ կինոթատրոնում կցուցադրվի 6 օր անընդմեջ: Օգտատերերի համակրանքին արժանացած ֆիլմը կընտրվի ինտերնետ քվեարկությամբ: Օգտատերերի համակրանքին արժանացած ֆիլմի ռեժիսորին կտրվի webtv-ի ուղիղ եթերում վարպետության դաս անցկացնելու հնարավորություն: Փառատոնային ֆիլմերի ռեժիսորների հետ կիրականացվեն skype-օրեր:
«Առավոտ» օրաթերթ
