Առողջապահության նախարար Հարություն Քուշկյանն այսօր դժվարացավ պատասխանել՝ բժշկի մեղքո՞վ, թե՞ ուրիշ պատճառով է 19 ամյա Սաթենիկ Միրզոյանը քթի պլաստիկ վիրահատությունից հետո հայտնվել կոմայի մեջ: Նա ասաց, թե դեռ հույս կա, որ ավելի քան 6 ամիս կոմայի մեջ գտնվող աղջիկը կարթնանա ու կվերականգնվի նրա առողջությունը. «Մենք ամիսներ շարունակ պայքարում ենք, որ Սաթենիկի առողջական վիճակը վերականգնվի, ու որոշ դրական թեթեւ երեւույթներ արդեն ունենք, եթե դրանք, գնալով ավելանան, ավելի մեծ հույսեր կլինեն, որ նրա առողջական վիճակն ավելի կլավանա»:
Նախարարն ասաց, որ նման դեպք էլի է եղել, բայց շատ վաղուց. «Նման դեպքերը եզակի են»:
Նա ասաց, որ ոչ իրենք, ոլ էլ անգիտակից վիճակում գտնվող Սաթենիկը հույսը չեն կորցնում. «Որ ամեն ինչ լավ է լինելու»:
Արփինե ՍԻՄՈՆՅԱՆ
