Հայտնում եմ իմ խորին շնորհակալությունը Հայաստանի զանգվածային լրատվամիջոցների պատասխանատուներին, ովքեր դիմել էին ՀՀ գլխավոր դատախազին իմ խափանման միջոցը փոխելու միջնորդությամբ: Նաեւ այդ հայտարարության շնորհիվ է, որ ես այսօր ազատության մեջ եմ եւ կարող եմ պաշտպանել իմ իրավունքները, արժանապատվությունը, ապացուցել իմ անմեղությունը, դիմակայել մարդկային ստորությանը: Առիթից օգտվելով՝ իմ խորին շնորհակալությունն եմ հայտնում նաեւ իմ ընկերներին եւ հարյուրավոր մարդկանց, ովքեր այս օրերին աջակցում եւ օգնում էին ինձ եւ իմ ընտանիքին, ովքեր հավատում են իմ սկզբունքներին: Այս ամենը մեծ պատիվ է ինձ համար եւ ապրած տարիների եւ գործունեության բարձրագույն գնահատականը:
ՏԻԳՐԱՆ ՀԱԿՈԲՅԱՆ
