«Գրքի գների բարձրացումը հիմնականում պայմանավորված է ոլորտում գործող տնտեսվարող սուբյեկտների կողմից հարկային օրենսդրության մեջ կատարված փոփոխությունների սխալ ընկալման արդյունքով»,- այսօր կառավարության նիստի ժամանակ գրքերի թանկացման պատճառների մասին վարչապետ Տիգրան Սարգսյանին բացատրություն տվեց ՏՄՊՊՀ նախագահ Արտակ Շաբոյանը:
Ըստ նրա, իրենց անցկացրած մոնիտորինգի արդյունքում պարզել են, որ բարձրացել են խիստ սահմանափակ թվով գրքի գները. «Տնտեսվարողնեորը գոհ են պաշտոնական պարզաբանումից և դրա արդյունքում համապատասխան փոփոխություններ կկատարեն իրենց հաշվարկման ընթացակարգերում: Այս ոլորտում գործող տնտեսվարողները հավաստիացրեցին, որ պարզաբանում ստանալուց հետո համապատասխան փոփոխություններ կկատարեն իրենց հաշվարկման ընթացակարգերում և դրա արդյունքում առաջիկա մի քանի օրերի ընթացքում այն գրքերի գները, որոնք բարձրացել էին, հետ կվերադառնան նույն մակարդակին»:
Վարչապետն էլ բոլոր սպառողներին կոչ արեց` եթե գների նվազում չտեսնեն, անպայման դիմեն տնտեսական մրցակցության պաշտպանության պետական հանձնաժողով:
Կարդացեք նաև
Արփինե ՍԻՄՈՆՅԱՆ
