Բելգրադում մեկնարկած ազատ ըմբշամարտի Եվրոպայի առաջնությունում, որին մասնակցում է 48 երկիր, Հայաստանի ազգային հավաքականը հաջող մեկնարկեց:
Երեկ ուշ երեկոյան 66 կգ քաշային Դավիթ Սաֆարյանը նվաճեց առաջնության բրոնզե մեդալը: Հայ ըմբիշը մեկնարկային գոտեմարտում ավստրիացի մրցակցին պարտության մատնելուց հետո՝ հաջորդ փուլում հանդիպեց ադրբեջանցի Էմին Ազիզովին ու նրան էլ ստիպեց մրցագորգից գլխիկոր հեռանալ: Սակայն Դավիթը կիսաեզրափակչում զիջեց Ռուսաստանի ներկայացուցիչ Ալան Գոգաեւին եւ 3-րդ տեղի համար պայքարում առավելության հասավ թուրք Յակուպ Գորի նկատմամբ՝ արժանանալով բրոնզե մեդալի:
Օրվա մեր երկրորդ մասնակիցը՝ 96 կգ քաշային Անդրանիկ Գալստյանը, առաջին իսկ գոտեմարտում պարտվեց հունգարացի Տամաշ Ֆեոդորին եւ դուրս մնաց պայքարից:
Աշոտ ՀԱԿՈԲՅԱՆ
