Մարտի 6-ին Իջեւանում շարունակվեց պայմանագրային ծառայող, լեյտենանտ Արտակ Նազարյանի մահվան գործով դատավարության հերթական նիստը:
Նիստում շարունակվում էր գործով վկա, պայմանագրային զինծառայող, ավագ սերժանտ Արտակ Հովհաննիսյանի հարցաքննությունը: Սկզբում նրան հարցեր ուղղեցին մեղադրողներ Հարություն Հարությունյանը եւ Հայկ Հարոյանը, հետո` տուժողի իրավահաջորդ Ծովինար Նազարյանը, վերջինս ներկայացուցիչ, իրավապաշտպան Ռուբեն Մարտիրոսյանը եւ ամբաստանյալ զինվորներ Միխիթար Մխիթարյանի, Ադիբեկ Հովհաննիսյանի եւ Հարութիկ Կիրակոսյանի պաշտպան,փաստաբան Ալվարդ Մնացականյանը:
Իրավապաշտպան Ռուբեն Մարտիրոսյանը դատարանում Արտակ Նազարյանի մահը համարեց ոչ թե ինքնասպանություն` այլ սպանություն: Նա վկային հարցեր ուղղեց մարտական հենակետում օղու առկայության, զորամասից հենակետ սպաների այցելության եւ այլնի մասին: Վկան ցածր ձայնով, ոչ հաստատ կերպով էր պատասխանում , շատ դեպքերում ասելով, որ չի հիշում: Ռուբեն Մարտիրոսյանը դատարանում հայտարարեց, որ իրենք ունեն անհերքելի ապացույցներ,որ Արտակ Նազարյանին սպանությունից առաջ ծեծի են ենթարկել, որ Արտակը սպանությունից մի ժամ առաջ հարբած է եղել: Իրավապաշտպանը հայտարարեց,որ ամբողջ քրեական գործը խեղաթյուրված է: Նա ի պատասխան էթիկայի կանոնները պահպանելու մեղադրող Հարություն Հարությանյանի հորդորին,մեղադրողներին կոչեց «վայ մեղադրողներ»:
Ռ. Մարտիրոսյանը մեզ տրամադրեց դատաբժիշկ Ադամյանի փորձագիտական եզրակացությունը, որ նշված է Ա Նազարյանի մարմնի տարբեր մասերում 54 վնասվածքի առկայության մասին: Իրավապաշտպանը մեզ ասաց, որ պաշտպանության նախարար Սեյրան Օհանյանի հետ հանդիպման ժամանակ ինքն ասել է, որ զինվորական ոստիկանությունը եւ Պաշտպանության նախարարության քննչական ծառայությունը խեղաթյուրել են այս գործը:
Կարդացեք նաև
Ոսկան Սարգսյան
