Արդարադատության նախարարության «Նուբարաշեն» քրեակատարողական հիմնարկում նշանակվել է ծառայողական քննություն՝ կապված դատապարտյալների փախուստի փորձի հետ:
Ըստ Aravot.am-ի, ցմահ ազատազրկման դատապարտված 5 անձինք փորձել են փախուստի դիմել, ինչն օպերատիվ աշխատողների կողմից կանխվել է:
Արդարադատության նախարարությունը, քննության շահերից ելնելով, չի հրապարակում ցմահների տվյալները, նաեւ այն աշխատակիցների, որոնց մատը խառն է եղել այս գործում:
Չի բացառվում, որ այսօր մեկուսարանում նշանակված՝ ցմահ ազատազրկման դատապարտված Արսեն Արծրունու դատաքննությունը հետաձգվեց ներմեկուսարանային լարվածության պատճառով:
Ռուզան ՄԻՆԱՍՅԱՆ
