Հայրենիքի դավաճանության, դրան աջակցելու, իմանալ-չհայտնելու մեջ մեղադրվող Աշոտ Չտրկյանի հարազատներն այսօր Կենտրոն եւ Նորք-Մարաշ վարչական շրջանների ընդհանուր իրավասության դատարանի մուտքի մոտ վիճում էին անվտանգության աշխատակիցների հետ՝ պնդելով, որ բենզին են լցնելու, թե իրենց, թե անվտանգության աշխատակիցների վրա:
«Դատում են ամեղ մարդուն, որին օժանդակության մեջ են մեղադրում, ինքը բացարձակ մեղավոր չէ, ասում են, որ 300 դոլար է փոխանցել ու համակարգիչ է տրամադրել, բայց դատական պրոցեսի ժամանակ պարզվեց , որ փոխանցողը Հովո անունով վկա է եղել, որը վկայություն տվեց, բայց դատախազը հաշվի չի առնում, համակարգիչը տրամադրել է ընկերոջը, որը ուզում էր Վանաձորում գտնվող կնոջ հետ խոսել»,- պատմում էր Աշոտ Չտրկյանի զոքանչը: Նրա խոսքերով` պահանջել է դատական լսումներին իսկական մեղավորներին բերեն դատարան, բայց չեն բերում: Մեր զրուցակիցներից մեկն էլ հարցրեց, թե արդյոք դատախազի, որը վերջերս մոր գերեզմանի վրա ինքնասպան էր եղել, ինքնասպանությունը սպանություն չէր՝ գործը կոծկելու համար. «Ու անմեղ մարդկանց են դատում»:
Արփինե ՍԻՄՈՆՅԱՆ
Կարդացեք նաև
