Մարտի 4-ին ժամը 20-ն անց 30-ի սահմաններում, Իջեւան քաղաքում 17- ամյա Մհեր Օթարյանը դանակի հարվածներ է հասցրել Սուրեն Օթարյանին եւ Արման Պետրոսյանին: Վերջիններս չափահաս երիտասարդներ են: Մեր տեղեկություններով` երիտասարդների ստացած վերքերը ծանր չեն, նրանք բժշկական օգնություն ստանալով` Իջեւանի հիվանդանոցից դուրս են գրվել: Դանակահարված Սուրեն Օթարյանի եւ դանակահարողի հայրը հորեղբոր որդիներ են: Ուշագրավ է, որ Մհեր Օթարյանին ոստիկանության բաժին է բերել նրա հարազատ եղբայրը` Իջեւանի բաժնի անչափահասների գծով տեսուչ Թաթուլ Օթարյանը:
Մհեր Օթարյանը ստորագրությամբ ազատ է արձակվել: Մեր տվյալներով` դանակահարության պատճառը դպրոցական աղջկա պատճառով ծագած վեճն է: Դեպքի կապակցությամբ ոստիկանության Տավուշի քննչական բաժինը նյութեր է նախապատրաստում:
Ոսկան ՍԱՐԳՍՅԱՆ
