Մարտի 3-ին, ժամը 16.29-ին ահազանգ է ստացվել, որ Սևան-Դիլիջան ավտոճանապարհի 5-րդ կմ-ում «Մերսեդես Բրաբուս» մակնիշի 15 SU 154 պ/հ ավտոմեքենան դուրս է եկել ճանապարհի երթևեկելի մասից և արգելափակվել ձնակույտի մեջ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ: Երկու ուղևորով ավտոմեքենան փրկարարները դուրս են բերել ճանապարհի երթևեկելի մաս:
***
Մարտի 4-ին, ժամը 01.41-ին ահազանգ է ստացվել, որ Արագածոտնի մարզի Ծաղկահովիտ-Սադունց ավտոճանապարհին ձնակույտի մեջ ավտոմեքենաներ են արգելափակվել:
Կարդացեք նաև
Դեպքի վայր է մեկնել մեկ մարտական հաշվարկ:
Տեղում պարզվել է, որ ձնակույտի մեջ արգելափակվել է 6 ավտոմեքենա:
Հրշեջ-փրկարարների ուժերով ճանապարհի երթևեկելի մաս է դուրս է բերվել 3 ավտոմեքենա, որոնց մեջ եղել է 12 ուղևոր, իսկ մյուս 2 ավտոմեքենաների 8 ուղևորներին տեղափոխել են Ծաղկահովիտ գյուղ: «Զիլ» մակնիշի ավտոմեքենայի վարորդը հրաժարվել է օգնությունից:
***
Մարտի 4-ին, ժամը 17.33-ին ահազանգ է ստացվել, որ Արագածոտնի մարզի Ծաղկահովիտ-Ալագյազ ավտոճանապարհի 1-ին կմ-ում ձնաբքի մեջ արգելափակվել է «ԶԻԼ-130» մակնիշի բեռնատար ավտոմեքենա:
Ծաղակահովիտի գյուղապետի տրամադրած տեխնիկայով ավտոմեքենան քարշակվել է Ծաղկահովիտ գյուղ:
***
Մարտի 4-ին, ժամը 21.26-ին ահազանգ է ստացվել, որ Արագածոտնի մարզի Թալին-Արտենի ավտոճանապարհին ձնաբքի հետևանքով խցանման մեջ է մնացել 3 ավտոմեքենա:
Դեպքի վայր է մեկնած հրշեջ-փրկարարների ուժերով մի ավտոմեքենան դուրս է բերվել խցանումից, իսկ մյուս երկու մեքենաների ուղևորները տեղափոխվել են Արեգ գյուղ:
***
Մարտի 4-ին, ժամը 20.35-ին ահազանգեր են ստացվել, որ Երևան-Սևան ավտոճանապարհի 22-րդ կմ-ում ձնաբքի և մերկասառույցի հետևանքով խցանման մեջ է մնացել մոտ 20 ավտոմեքենա:
Դեպքի վայր է մեկնել Կոտայքի մարզային փրկարարական ջոկատը:
Պարզվել է, որ խցանման մեջ է մնացել 25 ավտոմեքենա, որոնցից մեկը նաև խափանվել է:
Փրկարարները Աբովյանի հրշեջ-փրկարարական ջոկատ են տեղափոխել խափանված` «Օպել» մակնիշի 10 ՕՏ 669 պ/հ ավտոմեքենայի 6 ուղևորներին:
«Աբովյանի ճանշին» ՓԲԸ-ի ուժերով ճանապարհը մաքրվել է, և ավտոմեքենաները շարունակել են իրենց ընթացքը:
***
Մարտի 4-ին, ժամը 21.28-ին ահազանգեր են ստացվել, որ Արագածոտնի մարզի Արայի-Վարդենուտ և Նիգավան-Ապարան ավտոճանապարհին ձնաբքի հետևանքով խցանման մեջ են մնացել ավտոմեքենաներ:
Արայի-Վարդենուտ ճանապարհահատված է մեկնել մեկ մարտական հաշվարկ, որի ուժերով ճանապարհի երթևեկելի հատված է տեղափոխվել 3 ավտոմեքենա:
Ապարանի հրշեջ-փրկարար ջոկատից Նիգավան-Ապարան ճանապարհահատված է մեկնել «ԶԻԼ-131» (Կունգ) ավտոմեքենա: Հրշեջ-փրկարարները ճանապարհի երթևեկելի հատված են դուրս բերել «ՎԱԶ 2109» մակնիշի ավտոմեքենա: Եվս երկու ավտոմեքենա և մեկ ավտոբուս Նիգավանի գյուղապետի տրամադրած տրակտորի օգնությամբ քարշակվել են Նիգավան գյուղ:
***
Մարտի 4-ին, ժամը 21.50-ին ահազանգ է ստացվել, որ Մայիսյան-Հովունի ավտոճանապարհին ձնաբքի հետևանքով խցանման մեջ է մնացել 6 ավտոմեքենա, որոնցից մեկում հղի կին կա:
Դեպքի վայր է մեկնել Շիրակի մարզային փրկարարական ջոկատը: Հասնելով Մայիսյան գյուղ` մնացած 3 կմ հատվածը փրկարարներն անցել են ոտքով:
Փրկարարների և ճանշինի համատեղ ուժերով ավտոմեքենաները, որոնց մեջ եղել է 15 ուղևոր, դուրս են բերվել խցանումից և շարունակել ընթացքը:
Հղի կնոջ՝ 1993 թ. ծնված Ալվարդ Սարգսյանի առողջական վիճակը բավարար է, նա բուժօգնությունից հրաժարվել է:
***
Մարտի 4-ին, ժամը 23.03-ին ահազանգ է ստացվել, որ «Օպել» մակնիշի ավտոմեքենան Բյուրեղավան քաղաքի մոտակայքում արգելափակվել է ձնաբքի մեջ:
Դեպքի վայր է մեկնել մեկ մարտական հաշվարկ: Հրշեջ-փրկարարների ուժերով ավտոմեքենան դուրս է բերվել խցանումից և շարունակել ընթացքը:
***
Մարտի 4-ին, ժամը 23.24-ին ահազանգ է ստացվել, որ Արա-Զորավան ավտոճանապարհին ավտոմեքենա է արգելափակվել է ձնաբքի մեջ:
Դեպքի վայր է մեկնել մեկ մարտական հաշվարկ:
Պարզվել է, որ ձնակույտի մեջ խցանվել է ևս 3 ավտոմեքենա, որոնց ուղևորները, ավտոմեքենաները թողնելով, տեղափոխվել են Արա գյուղ:
Հրշեջ-փրկարարների ուժերով ավտոմեքենան դուրս է բերվել խցանումից և շարունակել իր ընթացքը:
***
Մարտի 5-ին, ժամը 03:03-ի սահմաններում ահազանգեր է ստացվել, որ Գյումրի-Հացիկ և Գյումրի–Ջաջուռ ավտոճանապարհներին ձնաբքի հետևանքով խցանման մեջ են մնացել ավտոմեքենաներ:
Դեպքի վայր է մեկնել Շիրակի մարզային փրկարարականա ջոկատը:
Փրկարարների և «Ախուրյանի Ճանշին» ՓԲԸ-ի աշխատակիցների ուժերով Գյումրի-Հացիկ ճանապարհահատվածից դուրս է բերվել երկու ավտոմեքենա, այնուհետև՝ «Ախուրյանի Ճանշին» ՓԲԸ-ի տեխնիկան մեկնել է Ջաջուռ և օգնություն ցուցաբերել այնտեղ խցանված ավտոմեքենաներին:
«Արտակարգ ալիք» լրատվական կենտրոն
