«Կարծում եմ, որ ՕԵԿ համագումարը մեկ նպատակ ուներ՝ հայտարարել, որ Սերժ Սարգսյանին են սատարելու ու նաեւ հիշեցնեն, որ իրենք կան որպես քաղաքական ուժ» ,- Aravot.am-ի հետ զրույցում ՕԵԿ համագումարին անդրադառնալով՝ ասաց «Ժառանգություն» խմբակցության ղեկավար Ստյոպա Սաֆարյանը: Ըստ նրա, Հայաստանի հասարակության մեջ մի զգալի զանգվածի համար ընտրություններն առուծախ են. «Հետեւաբար, եթե կոպիտ ընտրախախտումներն էլ չլինեն, իշխանությունները հենց այդ ընտրազանգվածի ձայները կվաճառեն, իսկ, թե ում՝ ժամանակը ցույց կտա, բայց կարծում եմ, որ ՀՀԿ-ն թույլ կտա ՕԵԿ-ին բաժին հասնի այդ զանգվածից, որովհետեւ ՕԵԿ-ին թույլատրված է աշխատել այդ ընտրազանգվածի հետ ու դա համարել բարձր մակարդակի բարեգործություն»:
Պարոն Սաֆարյանի խոսքերով, մարտի 1-ից հետո ստեղծված իրավիճակը , երբ ՕԵԿ-ը արժանացավ սեփական ընտրողների անազնիվ ու անհավատարիմ լինելուն, կուսակցությունը լուրջ տուժեց հանրային վստահության առումով եւ կուսակցության ղեկավար՝ Արթուր Բաղդասարյանի հայտարարությունը, թե իրենք ուզում են հասկացված լինել ու երբեւէ չեն խաբել՝ նշանակում է, որ ՕԵԿ- ն էլ է գիտակցում, որ իր 2008-ի որոշումը արժանացավ բուռն հակազդեցության ու համակիրների փոշիացմանը:
Իշխանությունները ՕԵԿ-ին ընտրություններում օգտագործելու համար պահելու վերաբերյալ հայտարարություններին էլ անդրադառնալով, պարոն Սաֆարյանն ասաց, որ զերծ կմնա նման բառերով գնահատելուց.« Մի բան ակնհայտ է, շատ չեն Սերժ Սարգսյանին սատարող ուժերը, հետեւաբար համագումարներով ու նման միջոցառումներով սատարելը կենսական նշանակություն ունի նախագահի համար»:VOICE008
Կարդացեք նաև
Արփինե ՍԻՄՈՆՅԱՆ
