Սովորաբար առաջին նախագահ Լեւոն Տեր-Պետրոսյանը 10-15 րոպե ուշացումով էր գալիս ՀԱԿ-ի հանրահավաքներին, իսկ այսօր նախագահը Ազատության հրապարակ եկավ ժամը 18-ից 8 րոպե պակաս: Նախագահը զրույցի բռնվեց հավաքված ՀԱԿ-ի կենտրոնական գրասենյակի անդամների հետ: Նախագահի վերարկուին մեկ հատ ձնծաղիկ էր փակցրած: Aravot.am-ը հետաքրքրվեց՝ ո՞վ է ձնծաղիկը նվիրել Լեւոն Տեր-Պետրոսյանին: «Թալինի արծիվը»՝ Սափեյան Ժորան»,– ասաց նախագահը եւ շարժվեց դեպի հարթակ՝ «ձնծաղիկների հեղափոխություն» ասելով:
Հավաքվածները Տեր-Պետրոսյանին դիմավորեցին Լե-վոն, Լե-վոն վանկարկումներով ու ծափերով: ՀԱԿ-ի հանրահավաքը դեռեւս չի մեկնարկել:
Նելլի ԳՐԻԳՈՐՅԱՆ
