ԱԺ պատգամավորներն այսօր 30 կողմ, 54 դեմ, 4 ձեռնպահ ձայներով քվեարկությամբ մերժեցին Ստյոպա Սաֆարյանի, Արծվիկ Մինասյանի, Վահան Հովհաննիսյանի, Արմեն Մարտիրոսյանի հեղինակած «ՀՀ ընտրական օրենսգրքում փոփոխություններ կատարելու մասին», «Ազգային ժողովի կանոնակարգ» ՀՀ օրենքում փոփոխություն կատարելու մասին» եւ «Սահմանադրական դատարանի մասին» ՀՀ օրենքում փոփոխություններ կատարելու մասին» առաջին ընթերցմամբ քննարկված օրինագծերի փաթեթը:
Ուշագրավ է, որ «դեմ» քվեարկածների մեջ կային նաեւ ԲՀԿ-ականներ: Մինչդեռ բազմիցս ազդարարվել է, որ այդ կուսակցության ծրագրային դրույթներից է 100 տոկոս համամասնական ընտրակարգը: Եվ այսպես՝ դեմ քվեարկած ԲՀԿ-ականներն են՝ Սամվել Բալասանյանը, Արագած Ախոյանը, Արշակ Մխիթարյանը, Ռոբերտ Զաքարյանը:
