Հանրային խորհրդի` 2011-ի գործունեության ամփոփմանը նվիրված նիստի ընթացքում ՀԽ նախագահ Վազգեն Մանուկյանը հայտարարեց, որ խորհուրդը առաջիկա խորհրդարանական ընտրություններին չի մասնակցելու և ընտրությունների վերաբերյալ գնահատական տվող լիազորված կազմակերպություն չէ: Այնուհետև նա հայտարարեց. «Խորհուրդը քաղաքական կազմակերպություն չէ, այլ հարց է, որ Հանրային խորհրդի որոշ անդամներ կարող են առաջադրվել իրենց կուսակցություններով, դա նրանց անձնական գործն է»:
Aravot.am-ի հարցին` ի°նչ երաշխիքներ, որ ընտրությունների ընթացքում չեն օգտագործվի Հանրային խորհրդի ռեսուրսները այս կամ այն կուսակցության կողմից, պարոն Մանուկյանը դժվարացավ պատասխանել և կես-կատակ, կես-լուրջ ասաց. «Այսինքն` մորուք կպցնեմ, գնամ զբաղվեմ Հանրապետական կուսակցության քարոզչությա°մբ»:
Դառնալով մյուս հարցին՝ արդյոք մեծամասնական համակարգով կառաջադրվի°, Վազգեն Մանուկյանը պատասխանեց. «Մեծամասնականով առաջադրվելը անիմաստ եմ համարում, քանի որ ես պատգամավոր չեմ ուզում դառնալ: 17 տարին ինձ բավական է»:
Իր ղեկավարած ԱԺՄ կուսակցության` առաջիկա խորհրդարանական ընտրություններին մասնակցության մասին էլ նշեց, որ դա կախված է, թե կուսակցության վարչության նիստում մեծամասնությունը որ որոշմանը կողմ կլինի:
Կարդացեք նաև
Տաթև ՀԱՐՈՒԹՅՈՒՆՅԱՆ
