Երեկ խորհրդարանում «Արտակարգ դրության իրավական ռեժիմի մասին» օրենքի նախագծի քննարկմանը «Ժառանգություն» խմբակցության անդամ Զարուհի Փոստանջյանը հայտարարեց, թե ինքը համամիտ չէ արդարադատության նախարարի այն կարծիքին, թե մեր երկիրը Քադաֆիի ճանապարհով չի գնում. «1995-ին օգտագործվեցին ՀՀ զինված ուժերը ընդդեմ քաղաքական ընդվզումների, 2008-ին նույնպես օգտագործվեցին ՀՀ զինված ուժերը»: Պատգամավորը նաեւ հիշեցրեց Սահմանադրության համապատասխան հոդվածը, ըստ որի՝ «Զինված ուժերի օգտագործումը քաղաքական նպատակների համար անթույլատրելի է»: Արդարադատության նախարարը եւս նույնն ասաց. «Ես էլ եմ ուզում կրկին կրկնել, որ զինված ուժերի օգտագործումը քաղաքական նպատակներով անթույլատրելի է, եւ եթե ինչ-որ մարդկանց համար հայրենիքի պաշտպանությունը չի ներառում նրա սահմանադրական կարգի պաշտպանությունը, ես ոչինչ չունեմ ավելացնելու եւ մեկնաբանելու»:
«Առավոտ» օրաթերթ
