Հատված ԱԺ պատգամավոր Սամվել Ալեքսանյանի հարցազրույցից:
– Պարոն Ալեքսանյան, առաջադրվելո՞ւ եք մեծամասնականով։
– Այո։
– Որտե՞ղ։
Կարդացեք նաև
– Յոթերորդ ընտրատարածքում։
– Բայց Սերժ Սարգսյանն ասում էր, որ գործարարությունը պետք է
տարանջատվի բիզնեսից։
– Ես բիզնեսով չեմ զբաղվում, նախագահն էլ ինչ ասում է, ճիշտ է
ասում։ Ես իմ պատգամավորական գործունեությամբ եմ զբաղվում, իմ
բիզնեսով էլ իմ կինն է զբաղվում, ինձ էլ իմ կինն է պահում, նույնիսկ
քթիս վիրահատության փողն է կինս տվել։
– Ինչու՞ է ձեր քիթը վիրահատելու անհրաժեշտություն առաջացել։
– Դե, միջնապատը ծուռ էր։
– Հայաստանու՞մ եք վիրահատել։
– Ոչ, Գերմանիայում։
– Բայց մեր պլաստիկ վիրաբույժները լավագույնն են համարվում, ինչու՞ եք արտասահմանում արել, այլ ոչ՝ մեզ մոտ։
– Գործեր ունեի այնտեղ, դրա համար միանգամից արեցի, եկա։
– Բա էդ միջնապատը ինչի՞ է ծուռ, հաստատ կռիվ եք արել։
– Չէ:
– Բա ինչու՞ չէիք շուտ վիրահատում։
– Էն ժամանակ որ լավ չէի շնչում, մտքերս լավ չէին գալիս, հիմա արդեն լավ օդ է քաշում ուղեղս, նոր, լավ-լավ մտքեր են գալիս։
– Աղասի Արշակյանը հայտարարել է, որ թիվ 7 ընտրատարածքում մեծամասնականով առաջադրվելու է, ինչպե՞ս եք դրան վերաբերվում։
– Օրենքով թույլ է տրվում՝ ով ուզի, կարող է առաջադրվել, նայած ով
կանցնի։
– Կարո՞ղ է՝ հաղթեն ձեզ։
– Չէ, հաղթելը՝ չէ։
Լուսինե ԲԱՐՍԵՂՅԱՆ
«Հայկական ժամանակ»
