Հանցավոր աշխարհում հայտնի «Բիջ Ռուբոն» ոստիկաններին պատմել է իրականությունը

Ինչպես հայտնում է ֆոտոլրագրող Գագիկ Շամշյանը, նշված վարչության աշխատակիցները փետրվարի 20-ին ժամը 14.00-ի սահմաններում, օգտագործելով օպերատիվ տվյալները, ապօրինի թմրամիջոց պահելու և վաճառելու կասկածանքով Երևանի Աճառյան փողոցի 2-րդ նրբանցքում գտնվող նարկոլոգիական կլինիկայի մոտից 6-րդ գլխավոր վարչություն են բերման ենթարկել հանցավոր աշխարհում հայտնի «Բիջ Ռուբո» մականվամբ Սողոմոն Տարունցի 16 շենքի բնակիչ, նախկինում 5 անգամ դատված, 52-ամյա Ռոբերտ Առաքելյանին։

Է. Ծռնվերանց

Նրա տաբատի գրպանում հայտնաբերվել և առգրավվել է 2 գրամ, իսկ բաճկոնի գրպանից՝ 5.7 գրամ մուգ շագանակագույն «ափիոն» տեսակի թմրամիջոցի նմանվող զանգված։ Նա ոստիկաններին նհայտնել է, որ թմրամիջոցն իր մոտ պահում էր իր անձնական օգտագործման համար։ Արդեն կեսօրին 6-րդ գլխավոր վարչության աշխատակիցների օպերատիվ տեղեկությունների և անցկացված բացատրական աշխատանքների շնորհիվ Ռ. Առաքելյանը, իր բնակարանում ոստիկաններին է ներկայացրել «ՏՏ» տեսակի ատրճանակ՝ լիցքավորված 6 փամփուշտով և 5 հատ պոլիէթիլենային փաթեթ, որոնց մեջ եղել է «Ափիոն» տեսակի թմրամիջոցի նմանվող 5 հատ գնդիկներ՝ ընդհանուր 40.7 գ կշռով։

Ռ. Առաքելյանը ոստիկաններին հայտնել է, որ «ՏՏ» ատրճանակաը տարիներ առաջ իրեն նվիրել է իր հանգուցյալ ազգականը, իսկ 5 գնդիկներով թմրամիջոցը նույնպես իր օգտագործման համար է ձեռք բերել։ Փետրվարի 23-ին՝ գիշերը ժամը 03.00-ի սահմաններում, ՀՀ ոստիկանության ԿՀԴՊ ԳՎ ԹԱՇԴՊՎ աշխատակիցները, օպերատիվ տվյալներն իրացնելով, ոստիկանության Մեղրիի բաժնի և ՀՀ–ում ՌԴ ԴԱԾ սահմանապահ զորքերի Մեղրիի սահմանապահ ջոկատի ծառայողների հետ համատեղ Մեղրիի մաքսատան մոտից բերման են ենթարկում Երևանի Ներքին Շենգավիթ 1/1 շենքի բնակիչ, 53-ամյա Էդիկ Ծռնվերանցին, ով այդ պահին եղել է իր անձնական օգտագործման «Կամազ» մակնիշի 715 ՏՍ 67 համարանիշի բեռնատար ավտոմեքենայով։

Արդեն փետրվարի 24-ին Երևանի Կենտրոն և Նորք–Մարաշ վարչական շրջանների ընդհանուր իրավասության դատարանի որոշմամբ խուզարկություն է կատարվում Է. Ծռնվերանցին պատկանող տան հարևանությամբ գտնվող ավտոտնակում, որտեղ հայտնաբերվում և առգրավվում է 905 գ քաշով մուգ շագանակագույն «Ափիոն» տեսակի թմրանյութին նմանվող զանգված։ Արդեն պարզվել է, որ հանցավոր աշխարհում հայտնի «Բիջ Ռուբոն» 2011–ի սեպտեմբերից մինչև 2012-ի փետրվար ամիսն ընկած ժամանակահատվածում մի քանի անգամ 1 գրամը 10 ԱՄՆ դոլարով յուրաքանչյուր անգամ մոտ 100 գ քաշով «Ափիոն» տեսակի թմրամիջոցը ձեռք է բերել Է. Ծռնվերանցից։ Ի դեպ, վերջին հանդիպումների ժամանակ, Ծռնվերանցը Ռ. Առաքելյանին հայտնել է, որ «Հայաստանում ուժեղ բռնոցի ա գնում նարկոշների ու բառիկների դեմ, ռիսկի գործոնը մեծացել է և արդեն ոչ թե 10, այլ 15 դոլարով է վաճառելու թմրամիջոցը»։

Փաստի առթիվ ոստիկանության քննչական գլխավոր վարչության հատկապես կարևորագույն գործերով քննության վարչությունում հարուցվել է քրեական գործ և Ռ. Առաքելյանն ու Է. Ծռնվերանցին ձերբակալվել են։