Երկրորդ օրն է, ինչ Երեւանի օլիմպիական հերթափոխի պետական քոլեջում ընթանում են ծանրամարտի Հայաստանի տղամարդկանց եւ կանանց առաջնությունները, որոնց արդյունքներով կազմավորվելու են հավաքական թիմերը:
Երեկ որոշվեցին ըստ քաշային կարգերի կանանց հանրապետության չեմպիոնները: Պատվո պատվանդանի առաջին աստիճան բարձրացան:
48 կգ. Հերմինե Եղիազարյան՝ 87 կգ երկամարտում
53 կգ.Մարգարիտա Ղազարյան՝ 129
58 կգ. Իզաբելա Յայլյան՝ 175
63 կգ. Ռոզալիա Ավետիսյան՝ 159
69l կգ. Սիլվա Ջանոյան՝ 187
75 կգ. Մելինե Դալուզյան՝ 205
75+ կգ.Նաիրա Հարությունյան՝ 175:
Նույն օրը պայքարն ավարտեցին նաեւ տղամարդկանց 56 կգ քաշայինները: Երկամարտի 205 կգ արդյունքով չեմպիոն դարձավ Գեւորգ Սարիբեկյանը: Դավիթ Գասպարյանը 197 կգ-ով արժանացավ արծաթե մեդալի, իսկ Համազասպ Զաքարյանը բավարարվեց բրոնզով՝ 192 կգ:
Այսօր մրցահարթակ մտան տղամարդկանց 62 եւ 69 կգ քաշային ծանրորդները: Քիչ առաջ պայքարն ավարտեցին 62 կգ քաշայինները: Մրցանակային եռյակը կազմեցին Սմբատ Մարգարյանը (247) , Աշոտ Սուքիասյանը (245) եւ Հովհաննես Ղազարյանը (240): Այս պահին առաջնությունը շարունակվում է:
Աշոտ ՀԱԿՈԲՅԱՆ
