Լուսանկարում Դիլիջան քաղաքի Շահումյան փողոցում դատարանի շենքի մոտ նախկին կաթի գործարանի շենքն է: Գործարանը սեփականաշնորհված է: Դիլիջանցիների խոսքերով` սեփականատերն այժմ Ռուսաստանում է: Շենքի ճակատից «գործարան» ցուցանակի տառերն ընկնում են, շենքի ճակատային մասը կիսավեր վիճակում է:
Տուրիստական քաղաք Դիլիջանում այժմ նոր օբյեկտների շինարարություն է ընթանում, քաղաքը փոխում է դիմագիծը: Նման կիսավեր շինությունը հարիր չէ միջազգային ֆինանսական կենտրոն դառնալու հավակնություններ ունեցող քաղաքին:
Ոսկան ՍԱՐԳՍՅԱՆ
