ՀՀ գլխավոր դատախազության կոլեգիայի ժամանակ գլխավոր դատախազի տեղակալ Մնացական Սարգսյանը ցնցող հանցագործություններից նշեց Ախթալայի լեռնահարստացուցիչ կոմբինատի գլխավոր տնօրեն, ԱՄՆ քաղաքացի Սերոբ Դեր-Պողոսյանի, կազմակերպված հանցավոր խմբի կողմից կեղծ բանկային քարտեր օգտագործած, ԱՄՆ բանկային համակարգից 436 500 ԱՄՆ դոլար հափշտակած, դրանից 360 000-ը լեգալացրած Միքայել Թումասյանի, դավաճանության համար դատապարտված Գեւորգ Հայրապետյանի եւ լրտեսության համար դատապարտված Բեհնամ Բեհերիի նկատմամբ հարուցված քրեական գործերը:
Պարզվեց, որ բացահայտվել է եւ հարուցվել է մեկ աղմկահարույց քրեական գործ, որը դեռ դատարան չի ուղարկվել: Բացահայտողը Նեդեռլանդների Թագավորությունն է եղել:
Գեորգի Ավանեսովի գործն է, որը դատախազի տեղակալի բնորոշմամբ «եզակի է»: «Ավանեսովը տարածել է ամբողջ աշխարհում հարուցիչներ, վնասաբեր ծրագրերով վարակել է 29 մլն համակարգիչ », ասաց Մ.Սարգսյանը՝ հավելելով, որ Ավանեսովը շուրջ 26 մլն համակարգիչ վարակելու փորձ էլ է կատարել:
Կարդացեք նաև
Ռուզան ՄԻՆԱՍՅԱՆ
