«Հայաստանի Հանրապետության՝ Միավորված ազգերի կազմակերպությանն անդամակցելու 20-ամյակի կապակցությամբ Րաֆֆի Կ. Հովհաննիսյանը պատիվ ունի Ձեզ հրավիրելու տոնական ընդունելության»,- այս օրերին շատ հասարակական եւ քաղաքական գործիչները են ստանում նման հրավերներ: Տոնական ընդունելության մասին հիշատակումից հետո՝ միայն վերջում նշվում է, որ ընդունելությանը կհետեւի «Ժառանգություն» կուսակցության 7-րդ համագումարի պաշտոնական բացումը:
Ընդ որում՝ այս հրավիրատոմսի հայերեն տարբերակի եւ անգլերենի միջեւ կան տարբերություններ: Անգլերենում նշված է, թե համագումարին մասնակցելը, այսպես ասած, ըստ նախընտրության է: Հայերեն տարբերակում սա չկա, ինչն այս հրավիրատոմսը ստացած կուսակցական գործիչներից մեկին տեղիք էր տվել կեսկատակ ենթադրության, որ եթե եկել ես ընդունելության, հաց ես կերել՝ բարի եղիր մասնակցել նաեւ համագումարին:
