ԵԱՀԿ/ԺՀՄԻԳ-ը մտահոգություն է հայտնել ընտրությունների նախօրեին իշխանության և ընդդիմության միջև առկա խոր անվստահության կապակցությամբ, որը կապված է ընտրություններից սպասելիքների հետ:
ԵԱՀԿ այս գրասենյակը դիտորդներ է ունեցել հայաստանյան վերջին բոլոր ընտրություններին: Նրանք ԵԽԽՎ-ի ուղարկած դիտորդների հետ, առանց բացառության բոլոր դեպքերում, տվել են նույնական գնահատականներ և նույնական պահանջներ առաջադրել ընտրական համակարգի բարեփոխման ուղղությամբ:
2008-ի ընտրություններից հետո ԵԽ-ի, ԵԱՀԿ-ի հիմնական պահանջը իշխանություններից Ընտրական օրենսգրքի բարեփոխումն էր իշխանության և ընդդիմության միջև անվստահության վերացման խնդիրը լուծելու պայմանով` ընդդիմության լիարժեք մասնակցության ապահովմամբ:
Սակայն երբ 2011-ի գարնանը խորհրդարանական մեծամասնությունը ընդունեց ընտրական նոր օրենսգիրք` բացարձակապես անտեսելով ընդդիմության բոլոր սկզբունքային առարկություններն ու առաջարկությունները` չկատարելով առաջադրված պահանջը, ոչ ԵԱՀԿ-ն և ոչ էլ ԵԽ-ն ծպտուն անգամ չհանեցին:
Կարդացեք նաև
Ուզեն թե չուզեն, նրանք պատասխանատու են այն վիճակի համար, որի հետ կապված հանկարծ որոշել են մտահոգվել: Ավելին` որքան իշխանությունն է հիմա պատասխանատու ընտրությունների որակի համար, այնքան էլ այս կառույցները:
«Երկիր»
