Ահաբեկիչների «քաղաքական» գործունեությունը
Այսօր «Ուրբաթ» ակումբում լրագրողների հետ հանդիպման ընթացքում Հելսինկյան ասոցիացիայի նախագահ Միքայել Դանիելյանը, ըստ «Նոյյան տապանի» ՝տեսակետ է հայտնել, որ ՀՀ Ազգային ժողովում 1999 հոկտեմբերի 27-ի ահաբեկչության գործով գլխավոր դատապարտյալ Նաիրի Հունանյանը քաղբանտարկյալ է. «Այո՛, նա քաղաքական բանտարկյալ է, ինչպես Նելսոն Մանդելան և Օջալանը, որովհետև իրականացվածը հեղաշրջման փորձ էր: Նա ցանկանում էր հեղաշրջում կատարել: Այս գործում շատ մութ տեղեր կան, ինչը հաստատում է, որ Նաիրի Հունանյանը և այս գործով բոլոր դատապարտվածները քաղաքական բանտարկյալ են»:
