Այսօր «Հայելի» ակումբում Խոջալուի դեպքերի միջազգայնացման գործընթացներումգոյություն ունեցող խնդիրներին նվիրված բանավեճի ընթացքում «Մխիթար Սեբաստացի» կրթահամալիրի տնօրեն Աշոտ Բլեյանը հայտարարեց, որ որդի է ունեցել և վրդովված ասաց, որ բավական է խոսենք ցեղասպանություններից: «Հայաստանում և Արցախում կա մի թեմա՝ ապրող մարդը: Ցեղասպանությունը շատ մեծ ցավ է, որ դրա մասին խոսես: Ես որ խոսում եմ ցեղասպանությունից, հիվանդանում եմ: Ընդհակառակը, պետք է խոսենք ապրող Հայաստանից, ապրող Արցախից: Եթե ես այս տարիքում տղա եմ ունենում, ուրեմն դա նշանակում է, որ պիտի այդ տղայից ու նրա հեռանկարից խոսեմ: Պիտի ծնելիությունից խոսեմ, թե ոնց անենք, որ այս ջահել աղջիկները մայրանան, կամ մարդիկ Հայաստանից չգնան: Իսկ արդյոք թերթերը, հեռուստաընկերությունը, մեդիան այդ թեմաներից խոսո՞ւմ են»:
Տաթև ՀԱՐՈՒԹՅՈՒՆՅԱՆ
