«Ոչ մեկին թող չզարմացնի, թե մենք ինչի ենք նման հայտարարությամբ հանդես եկել, մեր ծրագիրը վկայում է այն մասին, որ Ռուսաստանը մեր ամենամեծ ռազմավարական գործընկերն է, եւ մենք շահագրգիռ ենք Ռուսաստանը տեսնել ամուր, միասնական եւ ուժեղ: Տվյալ դեպքում մենք գտնում ենք, որ Պուտինի դեպքում Ռուսաստանը չի տրոհվի, Ռուսաստանը ուժեղ կլինի եւ որպես ռազմավարական գործընկեր՝ կնպաստի, որ մեր երկրում նույնպես կայունությունը պահպանվի»,- այսպես բացատրեց ՍԴՀԿ ատենապետ Լյուդմիլա Սարգսյանն իրենց կուսակցության աղմուկ հանած հայտարարությունը՝ Պուտինին պաշտպանելու մասին:
Քանի որ այսօրվա ասուլիսին տիկին Սարգսյանը եւ նրա կուսակից ընկեր Գուրգեն Եղիազարյանն անընդհատ խոսում էին երկակի ստանդարտներից, նկատեցինք, որ եթե իրենք Պուտինին են կայունության եւ ամրության երաշխավոր տեսնում, Հանրապետական կուսակցությունն էլ պնդում է, որ Սերժ Սարգսյանն է Հայաստանում նման կայունության երաշխավորը, ինչո՞ւ չեն ընդունում: Տիկին Սարգսյանը պատասխանեց. «ՀՀԿ-ն միանշանակ պետք է գովերգի Սերժ Սարգսյանին, որովհետեւ իրենց լիդերն է, իսկ ի՞նչ է մտածում մեր ամբողջ ժողովուրդը ՀՀԿ-ի եւ Սերժ Սարգսյանի մասին… եթե այցելեք մեր մարդկանց տները, կհասկանաք, թե ինչ արժեք եւ ինչ իմիջ ունի Սերժ Սարգսյանը եւ ՀՀԿ-ն»:
Մելանյա ԲԱՐՍԵՂՅԱՆ
