«Կգնաք պետռեգիստր կներկայացնեք թղթերը, կգրանցեն, հետո կասեն երկու ՍԴՀԿ կառույց կա, մեկը Լյուդմիլա Սարգսյանի ղեկավարած, մեկը՝ Պերկուպերկյանի: Եթե չալարեն, ուրիշները գնան, կարող է էլի մի տաս կառույց ավելանա:…Վաղը մյուս օրը մենք, մի հատ տեղակալ կա Պետռեգիստրում՝ Բաբայան, իրեն էլ ենք դատի տալու, որովհետեւ նա շատ լավ գիտեր ինչ է կատարվում, էդքանից հետո տեղեկանք է սրանց տալիս… Զանգել եմ, ասում եմ՝ այ ընկեր, այս ի՞նչ եք ձեզ թույլ տալիս: Ասում է՝ թղթեր են բերել, որ տեղի է ունեցել համագումարը եւ իրեն են ընտրել: Ասում եմ՝ եթե ես թղթեր բերեմ, որ ես եմ ՀՀԿ-ի նախագահը Սերժ Սարգսյանի փոխարեն, կգրանցե՞ք»,-այսպես ներկայացրեց երկու ՍԴՀԿ-ի ֆենոմենը՝ լյուդմիլասարգսյանական ՍԴՀԿ-ի անդամ Գուրգեն Եղիազարյանը:
Ըստ ՍԴՀԿ ատենապետ Լյուդմիլա Սարգսյանի՝ իրենք դիմել են Արդարադատության նախարարություն և դատախազություն՝ պահանջով, որ պատժվեն նրանք, ովքեր կեղծիքի միջոցով գրանցել են նոր ՍԴՀԿ: Սակայն եւ տիկին Սարգսյանը եւ պարոն Եղիազարյանը վստահ էին, որ Գեւորգ Պերկուպերկյանը ընդամենը դրածո է՝ Վահան Շիրխանյանի եւ Սեդրակ Աճեմյանի ձեռքին:
Մելանյա ԲԱՐՍԵՂՅԱՆ
Կարդացեք նաև
