«Իրանք հա ասում են, դրա համար էլ էս օրն ենք ընկել»,- այսպես արձագանքեց Սասուն Միքայելյանը՝ ՀՀ-ում ԱՄՆ դեսպանի այն հայտարարությանը, Հրազդանում ընտրություններում նկատվել են «որոշակի դրական ազդանշաններ»:
Ու հիշեց. «Էն ժամանակ, որ մենք նստած էինք՝ Պրեսկոտ էր, Կոլումբիե էր, կաստյումից քաշիմ՝ ասիմ՝ հլը նստի. էս երկիրը, որ էս վիճակին ա, ամենամեծ մեղավորը դուք եք: Նստում եք ինքնաթիռի մեջ, ասում եք՝ ընտրությունները համապատասխանում ա ժողովրդավարության չափանիշներին ու մենք ընգնում ենք կրակը: Էդ խոշոր տիրությունները իրանց շահը ունեն, իրանց շահով են շարժվում»:
Aravot. am-ը Սասուն Միքայելյանին հիշեցրեց, որ իր վերջին հանրահավաքում ինքը հայտարարեց, որ փետրվարի 13-ին նստելու է Հրազդանի քաղաքապետի աշխատասենյակում եւ «վերեւներին» էլ «մեսիջներ» ուղարկեց՝ «զգուշ եղեք, գալիս եմ»: Հետաքրքրվեցինք, արդյոք այդ վճռական խոսքերից եւ ընտրությունների արդյունքներից հետո, ժողովրդի մոտ հիմա հիասթափություն չի՞ առաջացել: Պատասխանը եղավ. «Ես ասում էի, այն մարդիկ, որ նամուսով աշխատել են, կմնան՝ կաշխատեն, իսկ այն մարդիկ, ովքեր իրանց շահի համար են նստել, պիտի հեռանան: Ես իրանց կարգի մարդ չեմ, որ գնամ մարդկանց բերեմ՝ ծառայեցնեմ ինձ»:
Նելլի ԳՐԻԳՈՐՅԱՆ
