ԱԺ պատգամավոր Մանվել Բադեյանից այսօր Aravot.am-ը հետաքրքրվեց՝ ինչպես է բացատրում ՀԱԿ ներկայացուցիչ Գուրգեն Եղիազարյանի հայտարարությունը, թե նախկին արտգործնախարար Վարդան Օսկանյանի ԲՀԿ մտնելը պայմանավորվում է նաեւ նրանով, որ հնարավոր է Հանրապետականն ու «Բարգավաճ Հայաստանը» պայմանավորվածության են եկել իշխանության թեւերը կիսելու շուրջ. «Արվում է մի ենթադրություն, որպես կանոն շատ ճիշտ տեղեկություն ունեցող մարդու կողմից, էդ առումով անգրագետ մարդու կողմից… Չկա այդպիսի բան: Գոյություն չունի ոչ մի պայմանավորվածություն: Կուսակցությունները հենց դրա համար են առանձին առանձին կուսակցություն, ու կուսակցության միակ նպատակը իշխանության գալն է: Եթե այս երկու կուսակցությունները , երկուսն են, նշանակում է նրանց հակասությունն անխուսափելի է, ինչքան էլ ընկերական ու բարիդրացիական հարաբերություններ ունենան, շատ բնական են բախումները, պետք է ուղղակի չթողնել այդ բախումները»:
Արփինե ՍԻՄՈՆՅԱՆ
