Հատված ՀՀԿ խմբակցության անդամ Հերմինե Նաղդալյանի հետ հարցազրույցից:
– Այս նստաշրջանո՞ւմ էլ հին խորհրդարանական ավանդույթ է մնալու
կողքինի համար քվեարկելը։ Վերջին նիստում ո՞ւմ փոխարեն եւ ինչո՞ւ էիք քվեարկել։
Կարդացեք նաև
– Արդեն առիթ ունեցել եմ ասելու, որ ուրիշի փոխարեն չեմ քվեարկել երբեւէ։ Լրագրողներիդ քաջ հայտնի է, որ ԱԺ նիստերը սղագրվում են, արձանագրություններն ու անձնական քվեարկությունների պատկերն էլ տեղակայվում են ԱԺ սայթում։ Իմ կողքին նստող պատգամավորը Կարեն Ավագյանն է, յուրաքանչյուր ցանկացող կարող է բացել ԱԺ-ի կայքը եւ տեսնել, որ նրա փոխարեն ոչ մի քվեարկություն չի կատարված։ Եթե ես փետրվարի 9-ին նրա փոխարեն քվեարկած լինեի, նրա անվան դիմաց ոչ մի պարագայում չէր գրվի «Չի քվեարկել»։
– Ինչո՞վ բացատրել, ուրեմն, քվեարկությունների շուրջ բարձրացված աղմուկը։
– Նախընտրական շրջանով, ակնհայտորեն ոմանց պետք է հնարավորինս շատ աղմուկ բարձրացնել ՀՀԿ-ի ու ՀՀԿ-ականների շուրջ՝ մեղադրելով նրանց արածի ու չարածի մեջ։ Ստի ոտքերն իրականում շատ են կարճ. ցանկության դեպքում դժվար չէ հասկանալ, թե ինչու եմ աթոռից աթոռ ձգվում քվեարկելու համար։ Որովհետև այդ պահին նստել էի ոչ թե իմ, այլ կողքինիս աթոռին։ Բայց ականջ ունեցողր կլսի:
Անահիտ ԱԴԱՄՅԱՆ
«Իրատես de facto»
