Հատված «Հին Երեւան» ծրագրի հեղինակ Լեւոն Վարդանյանի հետ հարցազրույցից
– Ձեր կարծիքով, ինչպիսի՞ն է Երեւանի ճարտարապետական ներկայիս նկարագիրը։
– Շատ տխուր վիճակ է, շատ։ Դրա համար ասում եմ, երբ որ ճարտարապետներից պահանջում եք, նույն ձեւի պտի պահանջեք բժիշկներից ու բոլոր շերտերից։ Ինչ որ հասարակությունն է ու մեր երկրի վիճակը, նույնն Էլ՝ ճարտարապետությունը։ Բոլորն իրար հետ կապված են, չի կարող մի հասարակության մեջ, որտեղ ռաբիսն է գերիշխում, լինի լավ
Կարդացեք նաև
ճարտարապետություն։
– Նարեկ Սարգսյանի ճարտարապետությամբ են պայմանավորում Երեւանի այլանդակումը։
– Ես համաձայն չեմ, որովհետեւ, Հյուսիսային պողոտայից սկսած, այդ ծրագրերը քննարկվել են քաղաքաշինական խորհուրդներում։ Հյուսիսային պողոտան միայն Նարեկ Սարգսյանի նախագիծը չէ, կան այլ հեղինակներ։ Մարդիկ կան, որ փոխանակ նախագծով զբաղվեն, էդ գործունեության մեջ չկան, թույլ են, ուզում են իրենց մասին խոսեն՝ թերթերով բոլորին խելք են սովորեցնում։
– Որպես ճարտարապետ, ինչպե՞ս եք վերաբերվում ներկած շենքերի գունային գամմային։ Չե՞ք կարծում, որ այդպիսով հակառակ էֆեկտն են ստեղծում, դարձյալ աղավաղում են՝ բարեկարգելու փոխարեն:
– Շենքերի ճակատները ժամանակ առ ժամանակ խնամքի կարիք ունեն, այնպես չի, որ կառուցում են, ու դարերով գնում է: Ծխից-մխից վարդագույն տուֆը եսիմ ինչ գույն է դարձել, խնամքը բոլոր երկրներում էլ կա, անընդհատ պետք է լինի: Սկզբում ծրագիրը ես ողջունեցի, սակայն այն դարձյալ ոչ պրոֆեսիոնալ իրականացավ եւ խեղաթյուրվեց տարբեր գույներով: Կներեք, ճարտարապետների կարծիքն էլ հաշվի չեն առնում… Ինչ-որ դիզայներներ, որոնց ես ընդհանրապես ինտերիերին մոտ չեմ թողնի, էդպիսի մարդկանց միջոցով խեղաթյուրեցին։ Բեգլարյանի ժամանակ ասեցին՝ հաշվի կառնենք ճարտարապետների կարծիքը, եւ իրար հետեւից փոխվեցին քաղաքապետերը, ու չքննարկվեց մեզ հետ։ Փաստ է, որ աղավաղեցին։ Կգա ժամանակ, էս խեղված գույներին ժողովուրդը կսովորի եւ չի հասկանա, որ մեր մեծ ճարտարապետը ըտենց հիմարություն չի արել ու Բժշկական համալսարանն այդ գույներով պատկերացրել… Եթե ամեն մարդ զբաղվի իր գործով, ամեն ինչ կգա իր տեղը:
Գայանե ՍԱՐԻԲԵԿՅԱՆ
«Հրապարակ»
