Զինվորի մայրը հոսպիտալից տարել է իր որդուն: Այսօր այդ կինը կառավարության շենքի մոտ էր՝ Պաշտպանության նախարար Սեյրան Օհանյանին հանդիպելու համար:
«Իմ երեխային տարել են ուռուցքաբանական՝ վիրահատության ու մինչ օրս ես չգիտեմ, ի՞նչ հիմքով են իմ երեխային ուղարկել ուռուցքաբանական՝ խալը վիրահատելու»,- Սեյրան Օհանյանին հարցրեց զինվորի մայրը:
«Ինձ տեղեկացրին, որ ձեր երեխան զորամասը ինքնակամ լքած է»,- պատասխանեց Սեյրան Օհանյանը։
«Այսինքն թողնեի, որ իմ երեխային տանեին՝ ուռուցքաբանականում սպանեի՞ն: Ես շնորհակալ եմ ձեզանից, դուք բերել եք իմ երեխային հոսպիտալ»,- ասաց զինվորի մայրը:
Կարդացեք նաև
«Ձեր երեխան որտե՞ղ է»,-հարցրեց նախարարը։ «Ինձ մոտ է, թույլ տվեք էդ երեխային ես բուժեմ»,- խնդրեց զինվորի մայրը։ «Նախ՝ կբերեք, կներկայացնեք ես կբուժեմ»,- պահանջեց Պաշտպանության նախարար Սեյրան Օհանյանը:
Նախարարի հետ զրուցող կինը լրատվամիջոցներին չմանրամասնեց իր խնդիրը, ասաց միայն, որ հասնելու է իր նպատակին:
Այսօր պաշտպանության նախարարին մոտեցավ նաեւ բանակում խաղաղ պայմաններում զոհված սպա Արտակ Նազարյանի մայրը եւ խնդրեց որդու դատավարությունը Իջեւանից տեղափոխել Երեւան: Նախարարը խոստացավ քննարկել խնդրանքը:
Մանրամասն՝ կարդացեք այստեղ
