Այսօր մի քաղաքացի կառավարության շենքի առջեւ հավաքված ցուցարարներին նկատողություն էր անում, որ իրենց բողոքը հայտնելու համար ամեն հինգշաբթի հավաքվում են այդտեղ: Նա հորդորում էր հեռանալ ու ազատել տարածքը՝ պնդելով, որ անցորդների համար քայլելու տեղ չեն թողնում: Այս հորդորը առաջացրեց ցուցարարների դժգոհությունը ու փոխադարձ անձնական վիրավորանքները վերածվեցին վեճի:
Հիշեցնենք, որ ամեն հինգշաբթի ցուցարարներին նկատողություն անելու համար մի տարեց կին էր գալիս, որը բարձրաձայն գովաբանում ու շնորհակալություն էր հայտնում ՀՀ նախագահի ու վարչապետի աշխատանքի համար: Ցուցարարների դիտարկմամբ, իշխանությունների կողմից հանձնարարություն ստացած ու «ծախված» այդ կնոջը ավելի երիտասարդն էր եկել փոխարինելու:
Արփինե ՍԻՄՈՆՅԱՆ
