Հատված Հրազդանի վերընտրված քաղաքապետ Արամ Դանիելյանի հետ հարցազրույցից
– Ոստիկանությունը հայտարարեց, որ վարչական տույժի է ենթարկել Ձեր եղբորն ու մտերիմներից մեկին՝ ընտրություններից հետո քաղաքում մեքենաների շքախմբով շրջելու եւ բարձր ազդանշաններ արձակելու համար: Դուք հետեւելո՞ւ եք, որ Ձեր եղբայրը վճարի այդ տուգանքը:
– Բնականաբար, ցանկացած խախտում կատարող պետք է պատժվի: Դա ավտոմեքենաների սիգնալի հետ է կապված եղել: Բնականաբար, ժողովրդի անդորրը խախտելու համար վարչական տույժ է կիրառվել: Պետք է վարչական հանձնաժողովը որոշի, թե ինչքան վճարի: Ով ուզում է լինի, պետք է պատասխան տա՝ իմ եղբայրը լինի, թե ամենահարազատ մարդը:
– Իսկ Դուք Ձեր եղբորը չէի՞ք զգուշացրել, որ Ձեր հաղթանակը ժողովրդի անդորրը խախտելու հաշվին չնշեին:
Կարդացեք նաև
– Մեր թիմը մեծ է, ամեն մարդու չես կարող կոնտրոլ անել: Ըտենց ստացվեց, ըտենց էլ է լինում: Մարդիկ ուրախացել են իրենց հաղթանակի համար եւ ըտենց բացթողում են արել: Դա էդքան ահավոր բան չի, վարչական տույժը պետք է կիրառել:
Ռոզա ՀՈՎՀԱՆՆԻՍՅԱՆ
«Հայացք»
