Հատված ՀՅԴ Բյուրոյի անդամ, ՀՅԴ խմբակցության ղեկավար Վահան Հովհաննիսյանի հարցազրույցից
– Դաշնակցությունը սպասու՞մ է Ռոբերտ Քոչարյանին։
– Ռոբերտ Քոչարյանի կողմնակից դաշնակցությունը իրեն ոչ հրապարակավ, ոչ էլ հոգու խորքում չի համարում, դաշնակցությունը իր հաղթանակի կողմնակիցն է։ Մենք ինքնուրույն կուսակցություն ենք եւ Հայաստանի քաղաքական բեմում գոյություն ունենք 120 տարի, որոնցից զգալի մասը մեր դերակատարությունը եղել է որոշիչ, եւ խոսքը միայն Առաջին հանրապետության կամ նախորդող տարիների մասին չէ։ Մեր գոյությունը նույնիսկ սփյուռքում կարեւորագույն գործոն է, կոմունիստական կուսակցության ցանկացած համագումար սկսվել է դաշնակցությանն ուղղված անեծքներից։ Այսինքն՝ մենք դերակատար ենք եղել միշտ եւ հիմա էլ ենք դերակատար, դրա համար մենք կարիքը չունենք այս կամ այն քաղաքական գործչի ակտիվությանը սպասելու, որպեսզի ինքներս
ակտիվանանք։ Որպես կանոն կուսակցությունները կարող են սպասել, որ այս կամ այն քաղաքական գործիչր ինքը այդ քաղաքական ուժին միանալու հայտ ներկայացնի, ցանկություն հայտնի կամ հայտարարարություն անի, ինչպես եղավ Վարդան Օսկանյանի դեպքում։ Կանի՞ Ռոբերտ Քոչարյանը նման հայտարարարություն, թե՞ ոչ, ես դեռ չգիտեմ, բայց մենք շարժվռւմ ենք ինքնուրույն օրակարգով։
էմմա ԳԱԲՐԻԵԼՅԱՆ
«Ժամանակ»
