Այն բանից հետո, երբ ՀՀ նախկին արտգործնախարար Վարդան Օսկանյանը որոշեց անդամագրվել ԲՀԿ-ին եւ ընդգրկվել ԲՀԿ համամասնական ցուցակում, ըստ վերլուծաբանների՝ ճանապարհ հարթելով նախկին նախագահ Ռոբերտ Քոչարյանի վերադարձի համար, ՀԱԿ մի խումբ ակտիվիստներ, մեզ հասած տեղեկություններով, հակաքայլերի են նախապատրաստվում: Ըստ լուրերի, ՀԱԿ-ի մի խումբ ակտիվիստներ որոշել են դիմել Կոնգրեսի վերնախավին՝ Սերժ Սարգսյանի իշխանության հետ երկխոսության տարբերակներ գտնելու եւ Ռոբերտ Քոչարյանի հնարավոր վերադարձը կանխելու համար: Մտավախությունները պայմանավորված են ոչ միայն ազգային անվտանգության խնդիրների վերաբերյալ երկրորդ նախագահի վերաբերմունքով, այլեւ աչքի առաջ ունենալով մարտիմեկյան իրադարձությունները՝ շատերը մտավախություններ ունեն նաեւ իրենց ֆիզիկական անվտանգության առումով:
Արդյոք այս խոսակցությունները համապատասխանում են իրականությանը՝ Aravot.am-ի հարցին ՀԱԿ կենտրոնական գրասենյակի անդամ Վլադիմիր Կարապետյանը նախ անլուրջ համարեց նման խոսակցություններն ու հավելեց. «Հնարավոր չեմ համարում, որ նման խոսակցություն կարող է լինի»:
Նելլի Գրիգորյան
Կարդացեք նաև
