Այսօր ՀԱԿ-ը հայտարարություն է տարածել, որով դատապարտում է իշխանությունների կեցվածքը եւ հետապնդումը` ՀԱԿ անդամ «Ժողովրդավարական Հայրենիք» կուսակցության նկատմամբ:
Վերաքննիչ դատարանը վճիռ է կայացրել եւ մինչեւ մարտի 1-ը ՀԱԿ-ի գրասենյակը եւ Պետրոս Մակեյանի «Ժողովրդավարական հայրենիք» կուսակցությունը պետք է ազատեն Արաբկիր համայնքում` Վաղարշյան 12 հասցեում գտնվող տարածքը:
Այն կուսակցության կենտրոնական գրասենյակն էր, նաեւ Կոնգրեսի Արաբկիրի կենտրոնական շտաբը, որի ղեկավարը Արամ Մանուկյանն է: Հայտարարության մեջ ՀԱԿ-ը պահանջում է իշխանություններից անհապաղ դադարեցնել հետապնդումները «Ժողովրդավարական հայրենիք» կուսակցության եւ Կոնգրեսի տարածքային կառույցի նկատմամբ:
Հայտարարության տակ ստորագրել են 8 կուսակցությունների ներկայացուցիչներ, այդ թվում` «Ազատություն» կուսակցությունը, «Այլընտրանք» հ/կ-ն, «Ժողովրդի իշխանություն» նախաձեռնությունը, «Հանրապետություն» կուսակցությունը եւ այլն:
Կարդացեք նաև
Հռիփսիմե ՋԵԲԵՋՅԱՆ
