ՀԱԿ–ը եւ «Ազատ դեմոկրատները»՝ ՀՅԴ–ի եւ «Ժառանգության» տեղերում
Խորհրդարանական լսումների ժամանակ ՀԱԿ-ի եւ «Ազատ դեմոկրատների» ներկայացուցիչները դահլիճը զննելուց հետո գնացին եւ տեղավորվեցին դահլիճի այն նստարաններին, որոնք հատկացված են եւ որտեղ անցնող ամբողջ գումարման ընթացքում նստում են Դաշնակցությունը եւ «Ժառանգությունը»:
Երվանդ Բոզոյանը եւ Անդրանիկ Թեւանյանը՝ ՕԵԿ–ի տեղերում
Համոզված ենք, որ խորհրդարանական լսումների մասնակիցները բոլորովին պատահաբար են նստել դահլիճի այս կամ այն տեղում, օրինակ՝ լրագրողները շատ հարմարավետ տեղավորվել են կառավարության եւ ՀՀԿ-ի համար նախատեսված տեղերում, իսկ Անդրանիկ Թեւանյանը եւ Երվանդ Բոզոյանը՝ ՕԵԿ-ի տեղերում:
Կարդացեք նաև
Մարքսիստ Դավիթ Հակոբյանը՝ ԲՀԿ–ի շարքերում
Մարքսիստ Դավիթ Հակոբյանը, որը բավականին հուզված էր ներկայացել (արտաքուստ այդպիսի տպավոպություն ստացանք) խորհրդարանական լսումներին, առանց երկար-բարակ մտածելու տեղավորվեց ԲՀԿ-ին հատկացված տեղում:
«Մանդատները դնել աճուրդի»
ՀՅԴ խմբակցության ներկայացուցիչ Արմեն Ռուստամյանը, որըը լսումների հիմնական զեկուցողն էր, հայտարարեց, որ պատգամավորն իր մանդատը պետք է ստանա ամբողջ ժողովրդի կողմից եւ ոչ թե 50-60 հազարի: Նաեւ առաջարկեց (հուսանք՝ կատակով). «Եկեք աճուրդ հայտարարենք, ով շատ կվճարի, կստանա այդ մանդատը»:
Մարգարիտ ԵՍԱՅԱՆ
