Իսկ ահա ռուս տատիկների վերաբերմունքը Պուտինի հանդեպ միանշանակ չէ:
Մարտի 4-ին կայանալիք Ռուսաստանի Դաշնության նախագահական ընտրություններին կմասնակցի նաեւ ներկայումս Նոյեմբերյան քաղաքում բնակվող, Ռուսաստանի բնակիչ հանդիսացող հայազգի 5 թոշակառու: Նրանք զանգահարել են Հայաստանում ՌԴ դեսպանատուն եւ տեղեկացել, որ մարտի 4-ին կարող են քվեարկել դեսպանատանը բացվելիք ընտրատեղամասում: Ինչպես հայտնեց կենսաթոշակառու Ռիգա Գիշյանը, իրենք մտադիր են իրենց ձայնը տալ Վլադիմիր Պուտինին: Պուտինին սատարելու համար Նոյեմբերյանից Երեւան հասնելու եւ վերադառնալու համար նրանք այդ օրը 400 կմ ճանապարհ են կտրելու: ՌԴ ներկայիս վարչապետին հայազգի թոշակառուների նախապատվություն տալը պայմանավորված է նրանով, որ նրանց ստացած կենսաթոշակի գումարը 2,5-3 անգամ գերազանցում է նույնքան ստաժ ունեցող ՀՀ քաղաքացիների թոշակին:
Ոսկան Սարգսյան
