Փետրվարի 14, Վալենտին, տոն: Այսօր սիրահարված տղաները փորձում են յուրահատուկ նվեր կամ անմոռանալի հուշեր պարգևել իրենց համար թանկ ու կարևոր մարդկանց: Մեկն անակնկալ է մատուցում՝ խենթություն անելով, մյուսն էլ` նվերներ գնում:
18-ամյա Վաչեն, իր ունեցած գումարով ընկերուհու համար նույնիսկ հասարակ շղթա չի կարող գնել: Թանկ գներից է դժգոհում: Ասում է` հասարակ վարդը, այդ օրը արժենում է 3000-7000 դրամ: Համեմատելով գները՝ երկու օրում «Առավոտ երիտասարդկանը» նկատեց մոտ 1500-ից 3000 դրամի գնաճ:
Ծաղկավաճառներն էլ այն բացատրում են այսպես. «Սա մեր գործն է, մենք էլ սենց ենք տուն պահում ախպեր ջան»:
Փափուկ խաղալիք, օծանելիք, ծաղիկ. Վալենտինին տրվող նվերներն են: Բայց սրանք էլ իրենց արժեքն ունեն: Շրջայց կատարելով քաղաքի խանութներում և գետնանցումներում, նկատեցինք` տոնի նախօրեին, փափուկ խաղալիքը, ըստ չափերի, հասնում է մինչև 30.000 դրամի, օծանելիքն էլ` իր գնից ավելի է թանկացել:
Սակայն գներից դժգոհ մնացած երիտասարդները միևնույնն է համոզված են` գլխավորը սերն է, հետո նոր նվերներն ու խենթությունները:
Արամ Արարատյան
