ՀԱԿ ներկայացուցիչ Սասուն Միքայելյանի նախընտրական շտաբի պետ Հակոբ Ավագումյանը կասկածում է, որ Հրազդանում երեկ քաղաքապետի ընտրություններին մասնակցել է 25 400 ընտրող: «Առնվազն 4000 ընտրողով ուռճացված է թիվը, որովհետեւ Հրազդանում բոլոր տարիներին թե՛ Ազգային ժողովի մեծամասնական, թե՛ համայնքի ղեկավարի ընտրություններին եղել է առավելագույնը 20-21 հազար ընտրող: Վերջին տարիներին արտագաղթողների թիվը մեծացել է, հետեւաբար մասնակից ընտրողների թիվը 25 հազարից քիչ պետք է լիներ: Սա հիմք է տալիս մեզ մտածելու, որ պետական մակարդակով կեղծիք է արվել, որի դեմ ոչ մի նախընտրական շտաբ, վստահված անձ, որեւէ ձեւով դեմն առնել չէր կարող: Համատարած ընտրակաշառք է բաժանվել, բայց սա էլ էնպիսի մի հանգամանք է, որ չես կարող ապացուցել, մանավանդ մեր պայմաններում, երբ ոչ անկախ դատարան կա, ոչ էլ անկախ ընտրական հանձնաժողով»:
Պարոն Ավագումյանի խոսքերով, Հրազդանում ընտրական այդպիսի ակտիվ մասնակցություն եղել է մեկ էլ 2008-ին ՝ նախագահական ընտրությունների ժամանակ. «Այսինքն 4000 ռեզերվ ձայնը պետությունը օգտագործում է, երբ խիստ անհրաժեշտ է լինում : Քաղաքապետի ընտրություններն էլ էությամբ նմանվել են 2008 –ի նախագահական ընտրություններին, նույն տակտիկան էր »:
Պարոն Ավագումյանը նաեւ ասաց, որ Սասուն Միքայելյանի նախընտրական շտաբը չի բողոքարկելու արդյունքները, վերահաշվարկի հարց չեն դնելու, որովհետեւ անիմաստ են համարում:
Արփինե ՍԻՄՈՆՅԱՆ
Կարդացեք նաև
