Հրազդանի գործող քաղաքապետ, եւ այսօր կայացող ընտրություններում քաղաքապետի թեկնածու, իշխանության կողմից հովանավորվող Արամ Դանիելյանն էլ է դժգոհություններ հայտնել ընտրություններից: «Առավոտը» ստացավ նրա լրատվական գրասենյակի հաղորդագրությունը, որը տպագրում ենք առանց խմբագրական միջամտությունների:
2012 թվականի փետրվարի 12-ին Հրազդանի քաղաքային համայնքի ղեկավարի ընտրություններում տեղի են ունեցել մի շարք ուշագրավ իրադարձություններ, որոնց հեղինակները դարձել են զանգվածային լրատվության միջոցների ներկայացուցիչներ և դա է պատճառը, որ հատկապես անհրաժեշտություն առաջացավ այս հաղորդագրությամբ դիմել լրատվամիջոցներին.
Եվ այսպես.
– Փետրվարի 12-ին «Ժողովուրդ» օրաթերթի լրագրողը , Հրազդան քաղաքային համայնքի թեկնածու Արամ Դանիելյանի գրասենյակից գողացել են վստահված անձանց անձնական բնույթի փաստաթղթեր:
– Թեկնածու Սասուն Միքայելյանի հայրենի Վանատուր թաղամասի երկու ընտրական տեղամասերին հարող տարածքներում առկա են բավականաչափ կուտակումներ, որոնք խախտում են Հայաստանի Հանրապետության Ընտրական օրենսգրքի պահանջները:
– Ընդդիմադիր լրատվամիջոցների շատ ներկայացուցիչներ այս պահին Հրազդան քաղաքում զբաղված են ընտրական գործընթացների ուղղակի միջամտությամբ և վերազանցում են իրենց գործառույթները:
– 25/19 տեղամասում Սասուն Միքայելյանի կողմնակիցներից մեկը փորձել է ուրիշի անձնագրով քվերակություն կատարել, որը կանխվել է Արամ Դանիելյանի վստահված անձի կողմից:
– Այս պահին, դեռեւս առկա են «Սասուն Միքայելյանի նախընտրական շտաբ» տեքստով ցուցանակներ, իսկ նրա կենտրոնական նախընտրական շտաբի վրա փակցված է վերջինիս նկարը՝ կարգախոսով, որոնք համարվում են քարոզչանյութեր՝ իրականացնելով քարոզչություն:
Հրազդան քաղաքային համայնքի թեկնածու
Արամ Դանիելյանի լրատվական գրասենյակ
