Սերժ Սարգսյանն ու «Բարգավաճ Հայաստան» կուսակցության նախագահ Գագիկ Ծառուկյանը այս շաբաթ առանձին հանդիպումներ են ունեցել ամենօրյա ռեժիմով: Այս մասին երեկ «ՀԺ»-ին հայտնել են իշխանական խիստ իրազեկ աղբյուրները:
Նույն աղբյուրների պնդմամբ, այդ հանդիպումների արդյունքում ձեռքէ բերվել Գագիկ Ծառուկյանի մերձավոր Բանգլադեշցի Համոյին ազատ արձակելու պայմանավորվածությունը: Մեր տեղեկություններով, Սերժ Սարգսյանի եւ Գագիկ Ծառուկյանի միջեւ այժմ ընթանում են մեծամասնական տեղերի շուրջ բանակցություններ, որպեսզի ՀՀԿ-ն եւ ԲՀԿ-ն իրար դեմ թեկնածուներ չառաջադրեն: Ըտ այդմ, որոշակի պայմանավորվածություններ արդեն ձեռք են բերվել: Մեր աղբյուրի փոխանցմամբ վիճելի են մնում միայն ութ ընտրատարածքներ, որոնք սկզբունքային են թե ՀՀԿ-ի, թե ԲՀԿ-ի համար. խոսքը թիվ 3 ընտրատարածքի մասին է (Քանաքեռ-Զեյթուն), թիվ 6 (Աջափնյակ), թիվ 5 (Դավիթաշեն), թիվ 21 (Արմավիր), թիվ 34 (Շիրակի մարզ), թիվ 27 (Կոտայքի մարզ) եւ Կենտրոնի ընտրատարածքներից մեկի: Ըստ մեր աղբյուրների, Ծառուկյան-Սարգսյան ամենօրյա ռեժիմով հանդիպումներն են պատճառը, որ այս շաբաթ կոալիցիայի նիստ տեղի չի ունեցել:
«Հայկական ժամանակ»
